The R&A - Working for Golf
Sveitakeppnir
Fara í hluta
24.2
24.2
24.2/1
24.4
24.4
24.4/1
24.4/C1
Skoða fleira

Túlkun 23

Tilgangur: Regla 24 fjallar um sveitakeppnir (sem leiknar eru annaðhvort sem holukeppni eða höggleikur), þar sem margir leikmenn eða lið keppa sem sveit og samanlögð úrslit þeirra í umferðum eða leikjum mynda heildarskor sveitarinnar.

24.2
Keppnisskilmálar í sveitakeppnum
24.2/1
Frávísun getur átt við eina eða allar umferðir í sveitakeppni

Ef leikmaður fær frávísun frá umferðinni í sveitakeppni þar sem öll skor gilda ekki gagnvart heildarskori sveitarinnar á frávísunin aðeins við um þá umferð keppninnar.

Hins vegar, ef leikmaður fær frávísun fyrir brot á hegðunarreglum samkvæmt reglu 1.2b er það undir nefndinni komið að ákveða hvort frávísunin nái til umferðarinnar einnar eða til allrar keppninnar.

24.4
Leyfilegar ráðleggingar í sveitakeppnum
24.4/1
Nefndin getur sett takmarkanir vegna liðsstjóra og ráðgjafa

Nefndin má setja staðarreglu um hverjir megi vera liðsstjórar eða ráðgjafar og má einnig setja skorður við atferli liðsstjóra og ráðgjafa.

Eftirfarandi eru dæmi um slíkar skorður:

  • Að leyfa einungis áhugakylfingi að vera liðsstjóri og/eða ráðgjafi.
  • Ákveða að liðsstjórar og/eða ráðgjafar megi ekki stíga inn á flatir.
  • ráð megi bara gefa beint við leikmann en ekki í gegnum talstöð, síma eða á annan rafrænan hátt.
24.4/C1
Skýring: Ráðgjafi má ekki standa vísvitandi aftan við leikmann:

Ef ráðgjafi stendur vísvitandi aftan við leikmann þegar leikmaðurinn byrjar að taka sér stöðu og leikmaðurinn biður ráðgjafann eða heimilar honum að gera þetta fær leikmaðurinn almenna vítið samkvæmt reglu 10.2b(4) – sjá reglu 1.3c(1), fyrsta áhersluatriði.

Ef leikmaðurinn bað rágjafann ekki um að standa þarna og heimilaði honum það ekki en veit að þetta er óheimilt og grípur ekki til eðlilegra ráðstafana til að koma í veg fyrir það fær leikmaðurinn almenna vítið samkvæmt reglu 10.2b(4) – sjá reglu 1.3c(1), annað áhersluatriði.

(Skýringu bætt við 12/2018)

Umferð

Átján eða færri holur, leiknar í þeirri röð sem nefndin ákveður.

Umferð

Átján eða færri holur, leiknar í þeirri röð sem nefndin ákveður.

Nefndin

Einstaklingurinn eða hópurinn sem ber ábyrgð á keppninni eða vellinum.

Sjá Verklag nefnda, hluta 1 (þar sem hlutverk nefndarinnar er útskýrt).

Umferð

Átján eða færri holur, leiknar í þeirri röð sem nefndin ákveður.

Nefndin

Einstaklingurinn eða hópurinn sem ber ábyrgð á keppninni eða vellinum.

Sjá Verklag nefnda, hluta 1 (þar sem hlutverk nefndarinnar er útskýrt).

Flöt

Svæði á holunni sem leikmaður er að leika, sem:

  • Er sérstaklega útbúið fyrir pútt, eða
  • Nefndin hefur skilgreint sem flöt (til dæmis þegar tímabundnar flatir eru í notkun).

Holan sem leikmaðurinn reynir að leika boltanum í er á flötinni. Flötin er eitt fimm skilgreindra svæða vallarins. Flatir annarra hola (sem leikmaðurinn er ekki að leika á sama tíma) eru rangar flatir og hluti almenna svæðisins.

Jaðar flatar ákvarðast af því hvar hægt er að sjá að svæðið sem er sérstaklega útbúið fyrir pútt hefst (svo sem þar sem gras hefur greinilega verið slegið til að sýna mörkin), nema nefndin skilgreini jaðarinn á annan hátt (svo sem með línum eða punktum).

Ef tvöföld flöt er notuð fyrir tvær ólíkar holur:

  • Er litið á allt tilbúna svæðið með báðum holunum sem flöt þegar hvor hola um sig er leikin.

Þó getur nefndin skilgreint mörk sem skipta tvöföldu flötinni í tvær aðskildar flatir, þannig að þegar leikmaður leikur aðra holuna er sá hluti tvöföldu flatarinnar sem tilheyrir hinni holunni röng flöt.

Ráðlegging

Allar munnlegar athugasemdir eða athafnir (svo sem að sýna hvaða kylfu var verið að nota við að slá högg) sem er ætlað að hafa áhrif á leikmann við:

  • Kylfuval,
  • Að slá högg, eða
  • Að ákveða hvernig eigi að leika, á meðan hola eða umferð er leikin.

Þó eru almennar upplýsingar ekki ráðlegging, svo sem um:

  • Staðsetningu hluta á vellinum, til dæmis holunnar, flatarinnar, brautarinnar, vítasvæða, glompa eða bolta annars leikmanns,
  • Fjarlægðir frá einum stað til annars, eða
  • Golfreglurnar.

 

Túlkun Ráðlegging/1 - Munnlegar athugasemdir og athafnir sem eru ráð

Eftirfarandi eru dæmi um hvenær athugasemdir eða athafnir teljast ráðlegging og eru óheimilar:

  • Leikmaður gerir athugasemd varðandi kylfuval. Tilgangurinn var að annar leikmaður sem átti svipað högg myndi heyra athugasemdina.
  • Í höggleik einstaklinga sýnir leikmaður A, sem hafi nýlokið við að leika í holu á 7. holu, leikmanni B (en bolti hans var rétt utan flatarinnar) hvernig eigi að slá næsta högg. Þar sem leikmaður B hafði ekki lokið holunni fær leikmaður A vítið á 7. holu. Hins vegar, ef báðir leikmennirnir höfðu lokið 7. holunni fær leikmaður A vítið á 8. holu.
  • Bolti leikmanns liggur illa og leikmaðurinn veltir fyrir sér hvað hann eigi að gera. Annar leikmaður segir: „Þú getur alls ekki slegið boltann. Ef ég væri þú myndi ég dæma hann ósláanlegan.“ Þessi athugasemd er ráðlegging því hún gæti haft áhrif hvernig leikmaðurinn ákveður að leika á holunni.
  • Á meðan leikmaður stillir sér upp til að slá yfir stórt vítasvæði sem er fullt af vatni segir annar leikmaður í ráshópnum: „Þú veist að það er mótvindur og þú þarft að slá 220 metra til að ná yfir vatnið?“

Túlkun Ráðlegging/2 - Sumar munnlegar athugasemdir og athafnir eru ekki ráð

Eftirfarandi eru dæmi um athugasemdir eða athafnir sem eru ekki ráðlegging:

  • Við leik á 6. holu spyr leikmaður annan leikmann hvaða kylfu hann hafi notað á 4. holu sem er par 3 hola af svipaðri lengd.
  • Leikmaður slær annað högg sem stöðvast á flötinni. Annar leikmaður gerir það sama. Fyrri leikmaðurinn spyr þá seinni leikmanninn hvaða kylfu hann hafi notað fyrir annað höggið.
  • Eftir að hafa slegið högg segir leikmaður „Ég hefði átt að nota 5 járn“ við annan leikmann í ráshópnum sem á eftir að slá inn á flötina. Þetta var ekki sagt í þeim tilgangi að hafa áhrif á leik hins leikmannsins.
  • Leikmaður horfir ofan í golfpoka annars leikmanns til að sjá hvaða kylfu hann notaði við síðasta högg, án þess að snerta eða hreyfa neitt.
  • Þegar leikmaður skoðar púttlínu sína biður hann kylfubera annars leikmanns um ráðleggingu, í þeirri trú að hann sé að tala við sinn eigin kylfubera. Leikmaðurinn uppgötvar mistökin strax og segir kylfuberanum að svara ekki.