The R&A - Working for Golf
Leikurinn, hegðun leikmannsins og reglurnar
Leikmannaútgáfan
Sjá golfreglurnar
Fara í hluta
1.1
1.2
1.3
Skoða fleira

Regla 2

Tilgangur: Regla 1 lýsir eftirfarandi undirstöðuatriðum leiksins:

  • Leiktu völlinn eins og þú kemur að honum og boltanum eins og hann liggur.
  • Leiktu samkvæmt reglunum og í anda leiksins.
  • Þú ert ábyrgur fyrir að beita sjálfan þig vítum ef þú brýtur reglu, þannig að þú hagnist ekki gagnvart mótherja þínum í holukeppni eða gagnvart öðrum leikmönnum í höggleik.
1.1
Golfleikurinn

Þú leikur golf með því að slá bolta þinn með kylfu. Þú hefur leik á hverri holu frá teignum og lýkur leik þegar bolti þinn fer í holuna á flötinni.

Að öllu jöfnu ættirðu að leika völlinn eins og þú kemur að honum og boltanum eins og hann liggur.

1.2
Viðmið um hegðun leikmanna

Ætlast er til að allir leikmenn leiki í anda leiksins, með því að:

  • Koma fram af ráðvendni, til dæmis með því að fylgja reglunum, beita öllum vítum og vera heiðarlegir í öllu sem snýr að leiknum.
  • Sýna öðrum tillitssemi, til dæmis með því að leika rösklega, vera vakandi fyrir öryggi annarra og trufla ekki leik annars leikmanns.
  • Ganga vel um völlinn, til dæmis með því að leggja torfusnepla á sinn stað, raka glompur, lagfæra boltaför og valda ekki óþarfa skemmdum á vellinum.

Þú ættir að athuga hvort nefndin hefur sett hegðunarreglur, því þú gætir fengið víti ef þú fylgir þeim ekki.

1.3
Leikið samkvæmt reglunum

Ætlast er til að þú vitir hvenær þú hefur brotið reglurnar og að þú sért heiðarlegur við að beita sjálfan þig vítum.

Þú getur óskað eftir aðstoð dómara eða nefndarinnar vegna reglnanna, en ef aðstoð er ekki fáanleg innan hæfilegs tíma verður þú að halda leik áfram og bera málið upp síðar.

Stundum þarftu að áætla hluti, svo sem staðinn þar sem þú átt að leggja bolta þinn aftur, staðinn þar sem bolti þinn skar mörk vítasvæðis, eða þegar þú tekur lausn samkvæmt reglunum. Ætlast er til að þú takir tillit til allra fáanlegra upplýsinga við þetta og metir þær á skynsaman hátt.

Þú færð víti ef athafnir þínar, kylfubera þíns eða einhvers sem aðhefst með þínu leyfi eða þinni vitneskju, fela í sér reglubrot.

Vítum er ætlað að eyða öllum hugsanlegum ávinningi. Stig víta eru í aðalatriðum þrjú:

  • Eins höggs víti: Á bæði við í holukeppni og í höggleik.
  • Almennt víti: Holutap í holukeppni og tveggja högga víti í höggleik.
  • Frávísun: Á bæði við í holukeppni og í höggleik.

Sjá aðalreglurnar Nánari upplýsingar um víti, þar á meðal hvernig vítum er beitt þegar endurtekin reglubrot eiga sér stað.

Teigur

Svæðið þaðan sem þú verður að leika til að hefja leik á holunni sem þú ert að leika. Teigurinn er ferhyrnt svæði sem er tveggja kylfulengda djúpt og:

  • Að framan afmarkast svæðið af línunni á milli fremstu brúna tveggja teigmerkja, eins og þau eru staðsett af nefndinni.
  • Til hliðanna afmarkast svæðið af línum aftur frá ystu brúnum teigmerkjanna.
Í holu

Þegar bolti þinn er kyrrstæður í holunni eftir högg þitt og allur boltinn er neðan yfirborðs flatarinnar. Þegar reglurnar vísa til þess holu hafi verið lokið er átt við að boltinn sé í holu.

Í því sérstaka tilviki að bolti hvílir upp við flaggstöngina í holunni, sjá reglu 13.2c (litið er svo á að boltinn sé í holu ef einhver hluti boltans er neðan yfirborðs flatarinnar).

Flöt

Svæðið á holunni sem þú ert að leika, sem er sérstaklega útbúið fyrir pútt eða hefur verið skilgreint sem flöt af nefndinni (til dæmis þegar tímabundnar flatir eru í notkun).

Völlur

Allt leiksvæðið innan jaðars vallarmarka sem sett eru af nefndinni. Jaðar vallarmarkanna framlengist bæði upp frá jörðu og niður fyrir yfirborð jarðar.

Völlur

Allt leiksvæðið innan jaðars vallarmarka sem sett eru af nefndinni. Jaðar vallarmarkanna framlengist bæði upp frá jörðu og niður fyrir yfirborð jarðar.

Glompa

Sérgert svæði úr sandi, sem oft er lægð þaðan sem torf eða jarðvegur hefur verið fjarlægður. Eftirfarandi er ekki hluti glompu:

  • Kantur, veggur eða bakki við jaðar sérgerða svæðisins, gert úr jarðvegi, grasi, stöfluðu torfi eða manngerðu efni.
  • Jarðvegur eða sérhver náttúrulegur hlutur sem vex eða er fastur innan jaðars sérgerða svæðisins (svo sem gras, runnar eða tré).
  • Sandur sem hefur borist yfir eða er utan jaðars tilbúna svæðisins.
  • Öll önnur sandsvæði á vellinum sem eru ekki innan jaðars sérgerða svæðisins (svo sem eyðimerkur eða önnur náttúruleg sandsvæði).
Völlur

Allt leiksvæðið innan jaðars vallarmarka sem sett eru af nefndinni. Jaðar vallarmarkanna framlengist bæði upp frá jörðu og niður fyrir yfirborð jarðar.

Nefndin

Einstaklingurinn eða hópurinn sem ber ábyrgð á keppninni eða vellinum.

Dómari

Starfsmaður sem nefndin hefur tilnefnt til að úrskurða um staðreyndir og framfylgja reglunum.

Nefndin

Einstaklingurinn eða hópurinn sem ber ábyrgð á keppninni eða vellinum.

Vítasvæði

Svæði þar sem lausn er heimil gegn einu vítahöggi ef bolti þinn stöðvast þar

Tegundir vítasvæða eru tvær, aðgreindar með litnum sem notaður er til að merkja þau:

  • Gul vítasvæði (merkt með gulum línum eða gulum stikum) veita þér tvær aðferðir við lausn (reglur 17.1d(1) og (2)).
  • Rauð vítasvæði (merkt með rauðum línum eða rauðum stikum) veita þér hliðar lausnarmöguleika (regla 17.1d(3)), til viðbótar við aðferðirnar tvær sem eru mögulegar á gulum vítasvæðum.

Ef litur vítasvæðis hefur ekki verið merktur eða tilgreindur af nefndinni er litið á svæðið sem rautt vítasvæði.

Jaðar vítasvæðis framlengist upp frá jörðu og niður fyrir yfirborð jarðar.

Jaðar vítasvæðis ætti að skilgreina með stikum eða línum.

  • Stikur: Þegar jaðar vítasvæðis er skilgreindur með stikum afmarkast jaðarinn af línunni á milli ytri brúna stikanna niðri við jörðu og stikurnar eru innan vítasvæðisins.
  • Línur: Þegar jaðar vítasvæðis er skilgreindur með málaðri línu á jörðinni er jaðarinn ytri brún línunnar og línan sjálf er innan vítasvæðisins.
Kylfuberi

Sá sem aðstoðar þig á meðan þú leikur umferð, með því að halda á, flytja eða sjá um kylfur þínar og/eða gefur þér ráð. Kylfuberi má einnig aðstoða þig á annan hátt eins og leyft er í reglunum (sjá reglu 10.3b).

Holukeppni

Leikform þar sem þú eða lið þitt leikur beint gegn mótherja eða liði í leik sem samanstendur af einni eða fleiri umferðum.

Höggleikur

Leikform þar sem þú eða lið þitt keppið við alla aðra leikmenn eða lið í keppninni.

Holukeppni

Leikform þar sem þú eða lið þitt leikur beint gegn mótherja eða liði í leik sem samanstendur af einni eða fleiri umferðum.

Höggleikur

Leikform þar sem þú eða lið þitt keppið við alla aðra leikmenn eða lið í keppninni.

Holukeppni

Leikform þar sem þú eða lið þitt leikur beint gegn mótherja eða liði í leik sem samanstendur af einni eða fleiri umferðum.

Höggleikur

Leikform þar sem þú eða lið þitt keppið við alla aðra leikmenn eða lið í keppninni.