The R&A - Working for Golf
Völlurinn
Leikmannaútgáfan
Sjá golfreglurnar
Fara í hluta
2.1
2.2
2.3
2.4
Skoða fleira

Regla 1
Regla 3

Tilgangur: Regla 2 lýsir þeim grunnatriðum sem þú ættir að vita um völlinn:

  • Á vellinum eru fimm skilgreind svæði, og
  • Á vellinum eru nokkrar tegundir skilgreindra hluta og aðstæðna sem kunna að trufla leik þinn.

Mikilvægt er að þekkja á hvaða svæði vallarins bolti þinn liggur því það hefur áhrif á hvaða reglur gilda við að leika boltanum og að taka lausn.

2.1
Vallarmörk og út af

Golf er leikið á velli. Svæði sem ekki eru á vellinum eru út af.

2.2
Skilgreind svæði á vellinum

Alls eru svæði vallarins fimm. Almenna svæðið nær yfir allan völlinn nema sértæku svæðin fjögur:

Mikilvægt er að þekkja á hvaða svæði vallarins bolti þinn liggur því það hefur áhrif á hvaða reglur gilda við að leika boltanum og að taka lausn.

Sjá aðalreglurnar Upplýsingar um hvernig meðhöndla eigi bolta sem liggur samtímis á tveimur svæðum vallarins.

2.3
Hlutir eða aðstæður sem geta truflað leik þinn

Vítalaus lausn kann að vera í boði frá:

  • Lausungar (regla 15.1),
  • Hreyfanlegra hindrana (regla 15.2), og
  • Óeðlilegra vallaraðstæðna, sem eru dýraholur, grund í aðgerð, óhreyfanlegar hindranir og tímabundið vatn (regla 16.1).

Á hinn bóginn færðu ekki vítalausa lausn frá vallarmarkahlutum eða hlutum vallar sem trufla leik þinn.

2.4
Bannreitir

Bannreitur er tiltekinn hluti vallarins, þaðan sem þú mátt ekki leika bolta þínum. Þú verður einnig að taka lausn ef bannreiturinn truflar stöðu þína eða fyrirhugað sveiflusvið þegar þú leikur bolta sem er utan bannreitsins.

Völlur

Allt leiksvæðið innan jaðars vallarmarka sem sett eru af nefndinni. Jaðar vallarmarkanna framlengist bæði upp frá jörðu og niður fyrir yfirborð jarðar.

Völlur

Allt leiksvæðið innan jaðars vallarmarka sem sett eru af nefndinni. Jaðar vallarmarkanna framlengist bæði upp frá jörðu og niður fyrir yfirborð jarðar.

Út af

Öll svæði utan marka vallarins eins og þau eru skilgreind af nefndinni. Öll svæði sem eru innan þeirra marka eru innan vallar.

Mörk vallarins framlengjast bæði upp frá jörðu og niður fyrir yfirborð jarðar.

Mörkin ættu að vera skilgreind með vallarmarkahlutum eða línum:

  • Vallarmarkahlutir: Þegar vallarmörk eru skilgreind með stikum eða girðingu ákvarðast mörkin af línunni á milli stikanna eða girðingarstauranna vallarmegin niðri við jörðu (að stögum og skástífum undanskildum) og þessar stikur eða girðingarstaurar eru út af.
  • Þegar vallarmörk eru skilgreind með öðrum hlutum, svo sem veggjum, eða þegar nefndin vill meðhöndla vallarmarkagirðingu á annan hátt, ætti nefndin að skilgreina jaðar vallarmarkanna.
  • Línur: Þegar vallarmörk eru skilgreind með málaðri línu á jörðinni eru mörkin við brún línunnar vallarmegin og línan sjálf er út af.
Þegar lína á jörðinni skilgreinir vallarmörkin má nota stikur til að sýna hvar vallarmörkin eru, en stikurnar hafa þá enga aðra merkingu. Vallarmarkastikur eða -línur ættu að vera hvítar.
Svæði vallarins

Þau fimm skilgreindu svæði sem eru á vellinum: (1) Almenna svæðið, (2) Teigurinn sem þú þarft að leika frá við að hefja leik á holunni sem þú ert að leika, (3) Öll vítasvæði, (4) Allar glompur og (5) Flöt holunnar sem þú ert að leika.

Almennt svæði

Svæði vallarins sem nær yfir allan völlinn nema hin fjögur önnur skilgreindu svæði hans: (1) Teiginn þaðan sem þú verður að leika til að hefja leik á holunni sem þú ert að leika. (2) Öll vítasvæði. (3) Allar glompur og (4) Flöt holunnar sem þú ert að leika.

Á almenna svæðinu eru m.a. öll teigstæði á vellinum, önnur en teigurinn, og allar rangar flatir.

Völlur

Allt leiksvæðið innan jaðars vallarmarka sem sett eru af nefndinni. Jaðar vallarmarkanna framlengist bæði upp frá jörðu og niður fyrir yfirborð jarðar.

Teigur

Svæðið þaðan sem þú verður að leika til að hefja leik á holunni sem þú ert að leika. Teigurinn er ferhyrnt svæði sem er tveggja kylfulengda djúpt og:

  • Að framan afmarkast svæðið af línunni á milli fremstu brúna tveggja teigmerkja, eins og þau eru staðsett af nefndinni.
  • Til hliðanna afmarkast svæðið af línum aftur frá ystu brúnum teigmerkjanna.
Vítasvæði

Svæði þar sem lausn er heimil gegn einu vítahöggi ef bolti þinn stöðvast þar

Tegundir vítasvæða eru tvær, aðgreindar með litnum sem notaður er til að merkja þau:

  • Gul vítasvæði (merkt með gulum línum eða gulum stikum) veita þér tvær aðferðir við lausn (reglur 17.1d(1) og (2)).
  • Rauð vítasvæði (merkt með rauðum línum eða rauðum stikum) veita þér hliðar lausnarmöguleika (regla 17.1d(3)), til viðbótar við aðferðirnar tvær sem eru mögulegar á gulum vítasvæðum.

Ef litur vítasvæðis hefur ekki verið merktur eða tilgreindur af nefndinni er litið á svæðið sem rautt vítasvæði.

Jaðar vítasvæðis framlengist upp frá jörðu og niður fyrir yfirborð jarðar.

Jaðar vítasvæðis ætti að skilgreina með stikum eða línum.

  • Stikur: Þegar jaðar vítasvæðis er skilgreindur með stikum afmarkast jaðarinn af línunni á milli ytri brúna stikanna niðri við jörðu og stikurnar eru innan vítasvæðisins.
  • Línur: Þegar jaðar vítasvæðis er skilgreindur með málaðri línu á jörðinni er jaðarinn ytri brún línunnar og línan sjálf er innan vítasvæðisins.
Glompa

Sérgert svæði úr sandi, sem oft er lægð þaðan sem torf eða jarðvegur hefur verið fjarlægður. Eftirfarandi er ekki hluti glompu:

  • Kantur, veggur eða bakki við jaðar sérgerða svæðisins, gert úr jarðvegi, grasi, stöfluðu torfi eða manngerðu efni.
  • Jarðvegur eða sérhver náttúrulegur hlutur sem vex eða er fastur innan jaðars sérgerða svæðisins (svo sem gras, runnar eða tré).
  • Sandur sem hefur borist yfir eða er utan jaðars tilbúna svæðisins.
  • Öll önnur sandsvæði á vellinum sem eru ekki innan jaðars sérgerða svæðisins (svo sem eyðimerkur eða önnur náttúruleg sandsvæði).
Flöt

Svæðið á holunni sem þú ert að leika, sem er sérstaklega útbúið fyrir pútt eða hefur verið skilgreint sem flöt af nefndinni (til dæmis þegar tímabundnar flatir eru í notkun).

Svæði vallarins

Þau fimm skilgreindu svæði sem eru á vellinum: (1) Almenna svæðið, (2) Teigurinn sem þú þarft að leika frá við að hefja leik á holunni sem þú ert að leika, (3) Öll vítasvæði, (4) Allar glompur og (5) Flöt holunnar sem þú ert að leika.

Lausung

Allir lausir náttúrulegir hlutir, svo sem:

  • Steinar, laust gras, lauf, greinar og stönglar,
  • Dauð dýr og dýraúrgangur,
  • Ormar, skordýr og svipuð dýr sem auðvelt er að fjarlægja og hraukar eða vefir sem þau mynda (svo sem hraukar eftir orma og mauraþúfur), og
  • Kekkir af þjöppuðum jarðvegi (þar á meðal götunartappar).

Slíkir náttúrulegir hlutir teljast ekki lausir ef þeir:

  • Eru fastir eða vaxa,
  • Eru jarðfastir (þ.e. ekki er auðvelt að lyfta þeim), eða
  • Loða við boltann.

Sértilvik:

  • Sandur og laus jarðvegur eru ekki lausung.
  • Dögg, hrím og vatn eru ekki lausung.
  • Snjór og náttúrulegur ís (annar en hrím) eru annaðhvort lausung eða, þegar það er á jörðinni, tímabundið vatn, að þínu vali.
  • Köngulóarvefir eru lausung, jafnvel þótt þeir loði við aðra hluti.
Hreyfanleg hindrun

Hindrun sem hægt er að færa með hóflegri fyrirhöfn og án þess að skemma hindrunina eða völlinn.

Ef hluti óhreyfanlegrar hindrunar eða hluta vallar (svo sem hlið eða hurð eða hluti af föstum kapli) uppfyllir þessi tvö viðmið, er litið á þann hluta sem hreyfanlega hindrun.Þó á þetta ekki við ef hreyfanlegum hluta óhreyfanlegrar hindrunar eða hluta vallar er ekki ætlað að hreyfast (svo sem laus steinn í grjótgarði).

Óeðlilegar vallaraðstæður

Dýrahola, grund í aðgerð, óhreyfanleg hindrun eða tímabundið vatn.

Dýrahola

Sérhver hola grafin í jörðina af dýri, nema holur sem grafnar hafa verið af dýrum sem einnig eru skilgreind sem lausung (svo sem ormar eða skordýr).

Hugtakið dýrahola felur m.a. í sér:

  • Laust efni sem dýrið gróf úr holunni.
  • Sérhverja troðna leið eða slóða sem liggur inn í holuna, og
  • Sérhvert svæði á jörðinni sem hefur lyfst upp eða breyst við að dýrið gróf holuna neðanjarðar.
Grund í aðgerð

Allir hlutar vallarins sem nefndin skilgreinir að sé grund í aðgerð (hvort sem er með því að merkja þá eða á annan hátt).

Grund í aðgerð nær einnig yfir eftirfarandi hluti, jafnvel þótt nefndin skilgreini þá ekki sem slíka:

  • Allar holur sem gerðar eru af nefndinni eða af vallarstarfsmönnum við:
    • Uppsetningu vallarins (svo sem holur þar sem stikur hafa verið fjarlægðar eða holan á tvöfaldri flöt sem notuð er við leik annarrar holu), eða
    • Viðhald vallarins (svo sem hola sem myndast við að fjarlægja torf eða trjástofna og við pípulagnir, en ekki holur eftir götun).
    • Grasafskurður, lauf og annað efni sem hefur verið hrúgað saman og á að fjarlægja. Þó gildir að:
      • Náttúrulegt efni sem hefur verið hrúgað saman og á að fjarlægja er einnig lausung, og
      • Efni sem hefur verið skilið eftir á vellinum og ekki er ætlunin að fjarlægja er ekki grund í aðgerð nema nefndin hafi skilgreint það sem slíkt.
    • Búsvæði dýra (svo sem hreiður fugla) sem er svo nærri bolta þínum að högg eða staða þín gæti skemmt það, nema þegar búsvæðið er gert af dýrum sem eru skilgreind sem lausung (svo sem ormum eða skordýrum).

    Jaðar grundar í aðgerð ætti að skilgreina með stikum eða línum:

    • Stikur: Þegar jaðar grundar í aðgerð er skilgreindur með stikum afmarkast jaðarinn af línu á milli ytri jaðra stikanna niðri við jörðu og stikurnar eru innan grundar í aðgerð.
    • Línur: Þegar jaðar grundar í aðgerð er skilgreindur með málaðri línu á jörðinni afmarkast jaðarinn af ytri brún línunnar og línan sjálf er innan grundar í aðgerð.
    Óhreyfanleg hindrun

    Sérhver hindrun sem ekki er hægt að hreyfa án óhæfilegrar fyrirhafnar eða án þess að skemma hindrunina eða völlinn og fellur að öðru leyti ekki að skilgreiningu á hreyfanlegri hindrun.

    Tímabundið vatn

    Öll tímabundin uppsöfnun vatns á yfirborði jarðar(svo sem pollar eftir rigningu eða vökvun, eða yfirfall frá vatnasvæði) sem er ekki innan vítasvæðis og hægt er að sjá áður en eða eftir að þú tekur þér stöðu (án þess að stíga óhóflega niður fæti).

    Ekki nægir að jörðin sé einungis vot, drullug eða mjúk eða að vatnið sé sýnilegt rétt á meðan þú stígur á jörðina. Uppsöfnun vatns verður að sjást annaðhvort áður en eða eftir að þú tekur þér stöðu.

    Sértilvik:

    • Dögg og hrím eru ekki tímabundið vatn.
    • Snjór og náttúrulegur ís (annar en hrím) eru annaðhvort lausung eða, þegar það er á jörðinni, tímabundið vatn, að þínu vali.
    • Manngerður ís er hindrun.
    Vallarmarkahlutur

    Manngerður hlutur sem ákvarðar eða sýnir hvað er út af, svo sem veggir, girðingar, stikur og rimlagirðingar, þaðan sem vítalaus lausn fæst ekki.

    Þetta felur í sér alla sökkla og staura vallarmarkagirðingar, en ekki skástífur eða stög sem eru fest við veggi eða girðingar, eða þrep, brýr eða sambærileg mannvirki sem notuð eru til að komast yfir vegginn eða girðinguna.

    Litið er á vallarmarkahluti sem óhreyfanlega, jafnvel þótt þeir séu hreyfanlegir eða einhver hluti þeirra er hreyfanlegur (sjá reglu 8.1a).

    Vallarmarkahlutir eru hvorki hindranirhluti vallar.

    Hluti vallar

    Manngerður hlutur sem er skilgreindur af nefndinni sem hluti áskorunarinnar við að leika völlinn og þaðan sem vítalaus lausn fæst ekki.

    Litið er á manngerða hluti sem nefndin hefur skilgreint hluta vallar sem óhreyfanlega (sjá reglu 8.1a). Hins vegar, ef hluti af hluta vallar (svo sem hlið, hurð eða hluti af föstum kapli) fellur að skilgreiningunni á hreyfanlegri hindrun er litið á þann hluta sem hreyfanleg hindrun.

    Hlutar vallar eru hvorki hindranirvallarmarkahlutir.

    Bannreitur

    Hluti vallarins þar sem nefndin hefur bannað leik. Bannreitur verður að vera skilgreindur sem hluti af annaðhvort óeðlilegum vallaraðstæðum eða vítasvæði.

    Völlur

    Allt leiksvæðið innan jaðars vallarmarka sem sett eru af nefndinni. Jaðar vallarmarkanna framlengist bæði upp frá jörðu og niður fyrir yfirborð jarðar.

    Bannreitur

    Hluti vallarins þar sem nefndin hefur bannað leik. Bannreitur verður að vera skilgreindur sem hluti af annaðhvort óeðlilegum vallaraðstæðum eða vítasvæði.

    Bannreitur

    Hluti vallarins þar sem nefndin hefur bannað leik. Bannreitur verður að vera skilgreindur sem hluti af annaðhvort óeðlilegum vallaraðstæðum eða vítasvæði.