Golf is open to all
Röng flöt
Truflun samkvæmt þessari reglu á sér stað þegar bolti þinn er á rangri flöt eða þegar röng flöt truflar áþreifanlega fyrirhugaða stöðu þína eða fyrirhugað sveiflusvið.
Þegar truflun á sér stað vegna rangrar flatar máttu ekki leika boltanum þar sem hann liggur. Þess í stað verður þú að taka lausn án vítis með því að láta bolta falla á lausnarsvæðinu, eins og sýnt er á mynd 13.1f.
Engin lausn er samkvæmt þessari reglu ef truflun á sér einungis stað vegna þess að þú velur kylfu, gerð stöðu eða sveiflu eða leikátt sem er augljóslega óraunsætt með tilliti til aðstæðna.
MYND 13.1f: VÍTALAUS LAUSN FRÁ RANGRI FLÖT
- Þegar truflun á sér stað vegna rangrar flatar, verður leikmaðurinn að taka fulla lausn án vítis.
- Myndin gerir ráð fyrir rétthentum leikmanni.
- Bolti A liggur á rangri flöt og nálægasti staðurinn fyrir fulla lausn vegna bolta A er á stað P1, sem verður að vera á sama svæði vallarins og þar sem upphaflegi boltinn stöðvaðist (í þessu tilviki á almenna svæðinu).
- Lausnarsvæðið er ein kylfulengd frá viðmiðunarstað, er ekki nær holu en viðmiðunarstaðurinn og verður að vera á sama svæði vallarins og viðmiðunarstaðurinn, P1.